Tuesday, April 21, 2020

चीनचा भारतात पाय पसरण्याचा प्रयत्न

चीनच्या केंद्रीय बँकेने जेव्हा एचडीएफसीमध्ये आपला समभाग वाढवून १.०१ टक्के केला तेव्हा केंद्र सरकार खडबडून जागे झाले. चीनने भारतात विविध क्षेत्रात मोठी गुंतवणूक केली आहे. पण कोरोनामुळे भारतीय उद्योग आर्थिकदृष्ट्या कमकुवत झाले आहेत. चीनने याच परिस्थितीचा फायदा घेऊन संधिसाधू गुंतवणूक करू नये यासाठी भारताने थेट परकीय गुंतवणुकीच्या नियमात बदल केले.
यानुसार आता चीन आणि शेजारच्या राष्ट्रांना एफडीआयसाठी सरकारी परवानगी
अनिवार्य केली आहे. चीनच्या भांडवलदारांनी हळूहळू देशात आपले पाय पसरण्यास सुरवात केली होती. पेमेंट कंपन्या आणि ईकॉमर्स कंपन्यांच्या माध्यमातून चीनने भारतीय बाजारातील उपस्थिती अगोदरच वाढवली आहे.

एचडीएफसीच्या वृत्ताने भारत सतर्क
जगभरात पसरलेल्या कोरोना व्हायरसमुळे जवळपास सर्वच देशांची अर्थव्यवस्था खिळखिळी झाली आहे. सर्व देशातील शेअर बाजार घसरले आहेत. अशा परिस्थितीचा फायदा घेण्यास चीनने सुरुवात केल्याचे समोर आले. आशियातील सर्वात मोठी अर्थव्यवस्था असलेल्या चीनमधील पीपल्स बैंक ऑफ चायनाने गृहकर्ज देणान्या एचडीएफसी बँकेतील १.७५ कोटी शेअर्सची खरेदी केली आहे. शेअर बाजारातून
मिळालेल्या आकडेवारीनुसार चीनच्या केंद्रीय बकने एचडीएफसी लिमिटेडमधील १,७४,९२,९०९ शेअर विकत घेतले आहेत. हे शेअर्स कंपनीतील एकूण शेअरच्या एक टक्के इतके आहेत.

टहेंचर फंडमध्ये चीनला रस
स्टार्टअप्समध्ये पैसा गुंतवणारे भांडवलदार म्हणजेच व्हेंचर  फंडमध्ये चीनला जास्त रस आहे. गेल्या काही दिवसात हे स्पष्ट झाले आहे. फोसुन, दोदी, टेनसेंट आणि शाओमी यांसारख्या नामांकित कंपन्यांसह शुनवेई, होराईजन्स आणि सायनोव्हेशन यांसारख्या कंपन्यांनी भारतात गुंतवणुकीच्या संधी शोधल्या आहेत.
कोणकोणत्या क्षेत्राला चीनचे प्राधान्य?
चीनच्या व्हेंचर फंडची भारतात वेगवान वाढ असणान्या कंपन्यांना पसंती आहे. सेंट्रम इन्फ्रास्ट्रक्चरचे व्यवस्थापकीय संचालक संदीप उपाध्याय यांच्या मते, 'कोरोना संकटाचा सर्वात कठीण काळ चीनमध्ये संपलेला आहे. तर भारतातील अनेक सूचित आणि असूचित कंपन्यांचे मूल्य आकर्षक आहे. पेटीएमसारख्या पेमेंट कंपन्या, ओलासारख्या कंपन्या, ईकॉमर्स सेक्टर, नावीन्यकरण ऊर्जा क्षेत्र, औषध निर्मिती क्षेत्रापासून ते पायाभूत सुविधा क्षेत्रापर्यंत आणि बांधकाम क्षेत्रापर्यंत चीनच्या गुंतवणूकदारांची नजर आहे.'

कोणत्या कंपनीत किती गुंतवणूक?
बिगबास्केट या स्टार्टअपमध्येचीनच्या आईबाबा  ग्रुपची Flipkart मध्ये जवळपास २५ कोटी डॉलर्सची  गंतवणूक आहे. वायजमध्ये चीनच्या टेन्सेंट होल्डिंग्सने जवळपास ५ कोटी डॉलर्स गुंतवले आहेत. फोसुनने डल्हिवारीमध्ये २.५ कोटी, ड्रीम ११ मध्ये स्टेडव्यू कॅपिटल्स आणि टेन्मेंटने १५ कोटी डॉलर, हाईकमध्ये टेन्सेंट आणि फॉक्सकॉनकडून १५ कोटी डॉलर, तर एएनआय टेक्नोलॉजीज (ओला) मध्ये चीनच्या
कंपन्यांची ५० कोटी डॉलर्सची गुंतवणूक आहे. पेटीएम मॉलमध्ये अलीबाबा ग्रुपने १५ कोटी डॉलर गुंतवले आहेत, तर पेटीएममध्ये ४० कोटी डॉलर्सची गुंतवणूक आहे. ओयोमध्ये चीनच्या कंपन्यांची १० अब्ज डॉलर्सची गुंतवणूक आहे. झोमॅटोमध्ये अलीबाबा
आणि शुनवेईने २० कोटी डॉलर्सची गुंतवणूक केली आहे. हे सर्व युनिकॉन्सं आहेत, ज्यात चीनने अब्जावधींची गुंतवणूक केली
आहे. एक अब्ज डॉलरपेक्षा अधिक मूल्य असलेल्या स्टार्टअप्सला युनिकॉन म्हणतात.

चीनच्या बँका कर्ज देण्यासाठी तयार
चीनच्या बँका भारतातील अमेक मोठ्या उद्योगांना कर्ज देण्यासाठीही तयार आहेत. इंडस्ट्रियल अँड कमर्शिअल बैंक ऑफ चायनाचे कार्यालय मुंबईतच आहे. बँकिंग क्षेत्रातील सूत्रांच्या मते, या बैंकने आपले मनुष्यबळ वाढवले आहे. रिलायन्स कम्युनिकेशन्सकडून कर्ज वसुलीसाठी या बँकेने २०१९ च्या अखेर लंडनच्या एका कोटात खटलाही दाखल केला होता.

भारतीय कंपनीत समभाग घेणे तुलनेने सोपे?
निप्पॉन लाइफ इंडिया एएमसीचे सीईओ संदीप सिक्का यांच्या मते, भारतातील इक्विटी आणि डेब्ट मार्केट अत्यंत .नियमित आहे. नियमांना धरून चालणाऱ्या या बाजारात कोणत्याही एकापीआयला छुप्या मागनि समभाग खरेदी करणे अशक्य आहे. भारतीय युनिकॉर्नची चिंता वाढली चीनच्या भांडवलाने भारतीय उद्योग गिळंकृत करू नयेत यासाठी भारताने हा निर्णय घेतला. पण पेटीएम, झोमॅटो, बिग बास्केट आणि ड्रिम ११ या स्टार्टअपची धाकधूक आता वाढली आहे. कारण, या स्टार्ट अप्पासाठी येणाऱ्या भांडवलात आता विलंब होऊ शकतो. चीनमधून येणाऱ्या भांडवलासाठी आता सरकारच्या परवानगीची गरज असेल. सरकारने परवानगी दिल्यानंतरच गुंतवणूक केली जाऊ शकते. त्यामुळे या स्टार्टअप्सला आर्थिक संकटाचा सामना करावा लागेल.

No comments:

Post a Comment