Wednesday, April 15, 2020

मोकाट कुत्र्याच्या हल्ल्यात बालक जखमी

(फाइल फोटो)
सांगली,(प्रतिनिधी)-
' कोरोना ' च्या पार्श्वभूमीवर ' लॉकडाऊन ' मुळेमोकाट कुत्री भुकेली आहेत . ती हिंस्त्र बनली आहेत . अनेक ठिकाणी कुत्र्यांकडून दुचाकी , सायकलस्वाराचा पाठलाग केला जात आहे . नागरिकांच्या अंगावर धावून जात आहेत . आज हिराबाग कॉर्नरजवळ पिसाळलेल्या कुत्र्याने साद जब्बार नदाफ ( वय ७ ) या बालकाचा चावा घेतला . ओठाजवळ मोठा चावा घेतल्यामुळे साद गंभीर जखमी झाला .
लॉकडाऊनमुळे सांगलीतील चिकन , मटण विक्रीची दुकाने बंद आहेत . शहरातील दुकाने , हटिल्स , खाद्यपदार्थाचे हातगाडे बंद आहेत . भटक्या कुत्र्यांना खाण्यास मिळत नाही . कुत्र्यांची उपासमार सुरू असून त्यांना खाद्य देण्यासाठी महापालिका आणि प्राणिमित्र प्रयत्न करीत आहेत . तरीही भटक्या कुत्र्यांची काही ठिकाणी उपासमार सुरूआहे . भुकेलेली कुत्री शहरात अनेक ठिकाणी टोळ्यांनी फिरत आहेत . निर्मनुष्य रस्त्यावर कुत्र्यांची दहशत आहे . गल्लीबोळातही तेच चित्र आहे . मोकाट कुत्र्यांकडून दिवसा , रात्री दुचाकीस्वार , सायकलस्वारांचा पाठलाग केला जातोय , पादचाऱ्यांच्या अंगावरही कुत्री धावून जात आहेत . नागरिकांत भीतीचे वातावरण आहे . आज हिराबाग कॉर्नर येथे सात वर्षाच्या साद नदाफवर अशाच भटक्या कुत्र्याने हल्ला चढवला ओठाजवळ चावा घेऊन गांधी जखमी केले . त्याने आरडाओरड केल्यानंतर परिसरातील नागरिक गोळा झाले . त्यानंतर कुत्रे पळू गेले . भटक्या कुत्र्यांचा महापालिक प्रशासनाने तत्काळ बंदोबस करावा , अशी मागणी होत आहे कारखाना परिसर , कॉलेज कॉर्न पटेल चौक , आमराई , खणभागास आंबेडकर रोड परिसर व उपनगरा मोकाट कुत्र्यांचा त्रास वाढत आहे .

No comments:

Post a Comment