Tuesday, May 26, 2020

जतमध्ये हॉटेल कामगाराचा शॉक लागून मृत्यु

जत, (जत न्यूज वृत्तसेवा)-
जत शहरातील धाणेश्वरी कॉलनीत राहणारा हॉटेल कामगार सुभाष म्हाळाप्पा तेली (वय 35) याचा विजेचा शॉक लागून मृत्यू झाला. ही घटना आज (मंगळवारी) सकाळी घडली.
तेली हा मूळचा कराड येथील राहणारा आहे. कामानिमित्त तो गेली काही वर्षे जत येथे राहात होता. एका परमिटरूम ,बारमध्ये वेटर म्हणून तो कामाला होता. आज सकाळी (मंगळवारी) राहत्या घरासमोर नळाला पाणी आल्याने व पाणी कमी दाबाने येत असल्याने मोटर लावण्यास गेला असता विजेचा शॉक लागून त्याचा मृत्यू झाला. याप्रकरणी जत पोलिस ठाण्यात नोंद झाली आहे.अधिक तपास सुरू आहे.

No comments:

Post a Comment