Friday, July 31, 2020

एकुंडी येथील न्यू इंग्लिश स्कूलचा शालान्त परीक्षेचा निकाल 100 टक्के

जत,(जत न्यूज वृत्तसेवा)-
जत तालुक्यातील एकुंडी येथील न्यू इंग्लिश स्कूल अँड ज्युनिअर कॉलेजचा शालान्त परीक्षेचा (दहावी) निकाल शंभर टक्के लागला आहे. या शाळेच्या घवघवीत यशाबद्दल ग्रामस्थांमधून कौतुक होत आहे.
एकुंडी येथील न्यू इंग्लिश स्कूलने यशाची उज्ज्वल परंपरा कायम राखत यंदाही दहावी परीक्षेत शंभर टक्के निकाल लावला आहे. विक्रांत सिदगोंडा कोट्टलगी याने 89 टक्के गुण मिळवून शाळेत प्रथम क्रमांक पटकावला आहे. कु. ज्योती बसवराज नाईक हिने 87.40 टक्के गुण मिळवून दुसरा तर  कु. प्रीती दशरथ गुडोडगी हिने 86 टक्के गुण मिळवून तृतीय क्रमांक मिळवला आहे. या सर्व मुलांचे कौतुक होत आहे. संस्थेचे अध्यक्ष बळवंत यमगर, मुख्याध्यापक कृष्णदेव पाटोळे, आय.पी.चौगुले, एस.डी. ओलेकर, पी.एल.मोटे, सौ. वाघमारे तसेच शिक्षकेतर कर्मचारी यांचे मार्गदर्शन लाभले. गावातील लोकप्रतिनिधी, पालक आणि प्रतिष्ठित नागरिक यांनी शाळेचे आणि विद्यार्थ्यांचे विविध माध्यमातून अभिनंदन केले.

No comments:

Post a Comment