Friday, October 9, 2020

कंठी येथील धनाजी नामदेव मोटे याचा अज्ञात मारेकऱ्यांनी गोळ्या झाडून व डोके दगडाने ठेचून निघृनपणे खून

एका संशयित आरोपीला पोलिसांनी चौकशीसाठी घेतलं ताब्यात


जत,(जत न्यूज वृत्तसेवा)-

पोलिस रेकॉर्डवरील गुन्हेगार व गुंड धनाजी नामदेव मोटे (वय 45 , रा. कंठी, ता. जत) याचा अज्ञात मारेकऱ्यांनी गोळ्या झाडून व डोके दगडाने ठेचून निघृनपणे खून केल्याची  धक्कादायक घटना घडली आहे.जत तालुक्यातील कंठी येथे गुरूवारी मध्यरात्री मरगुबाई देवीच्या मंदिराजवळ ही घटना घडली. खूनाचे नेमके कारण समजू शकले नाही.

या घटनेनंतर मारेकरी फरार झाले होते. त्याचा शोध घेतला असता एका संशयित आरोपीला पोलिसांनी ताब्यात घेतले.दरम्यान  जत पोलिस पोलिसांनी दिलेली माहिती अशी की, धनाजी मोटे हा हत्यारांची तस्करी, यासह अनेक गुन्हे जत पोलिस ठाण्यात दाखल आहेत.तसेच सांगली शहर पोलिसात ही त्याच्या विरोधात अनेक गुन्हे दाखल आहेत. गुरूवारी मध्यरात्री एकच्या  सुमारास धनाजी मोटे यांचा अज्ञात मारेकऱ्यांनी गोळ्या झाडून व डोक्‍यात दगड घालून निघृनपणे खून केला. या घटनेनंतर परिसरात खळबळ माजली होती. 

दरम्यान, शुक्रवारी पहाटे घटनास्थळी मृतदेहाजवळ दुचाकी व बंदुकीच्या गोळ्या आढळून आल्या आहेत. तर जत उपविभागीय पोलिस अधिकारी रत्नाकर नवले, पोलिस निरीक्षक उत्तम जाधव ,पोलीस नाईक केरबा जाधव,प्रशांत गुरव,प्रवीण पाटील व  सांगली स्थानिक गुन्हे अन्वेषण विभागाचे पथक घटनास्थळी दाखल झाले होते. तपासाची चक्रे फिरवत जत पोलिसांकडून एका संशयित आरोपीला चौकशीसाठी पोलिसांनी ताब्यात घेतल आहे.तर अन्य आरोपींच्या शोधात जत पोलिसांची तीन पथके तर  स्थानिक गुन्हे अन्वेषण शाखांची पथके  रवाना केली आहेत.

No comments:

Post a Comment