Wednesday, November 18, 2020

शिक्षक बँकेने सभासदांसाठी कँशलेस मेडिक्लेम योजना सुरू करावी-सुनील सूर्यवंशी.


जत,(जत न्यूज वृत्तसेवा)-

सांगली जिल्हा प्राथमिक शिक्षक बँकेने शिक्षक सभासद व त्यांच्या कुटुंबाच्या आरोग्यासाठी कॅशलेस मेडिक्लेम योजना सुरू करावी, अशी मागणी मागासवर्गीय प्राथमिक शिक्षक संघटनेचे तालुकाध्यक्ष सुनील सूर्यवंशी यांनी बँकेला पाठवलेल्या निवेदनाद्वारे केली आहे. सत्ताधारी संचालक मंडळाने याचा गांभीर्याने विचार करावा, असेही त्यात नमूद केले आहे.

सांगली जिल्हा प्राथमिक शिक्षक सहकारी बँक ही शिक्षक सभासदांची कामधेनू मानली जाते. या बँकेच्या कर्जाची वसुली शंभर टक्के असून शिक्षकांच्या अडीअडचणीला केव्हाही उपयोगाला पडणारी बँक आहे .या बँकेचा सभासद असलेल्या आणि कर्जदार शिक्षकांच्या दुर्दैवी मृत्यूनंतर वीस लाखापर्यंत कर्ज माफ केले जाते. पण या बँकेतून शिक्षकांच्या व त्यांच्या कुटुंबाच्या आरोग्याची कोणत्याही प्रकारची काळजी शिक्षक बँक घेताना दिसत नाही . आज बाजारामध्ये अनेक कंपन्या कँशलेस मेडिक्लेमलच्या योजना राबवताना दिसत आहेत. पण त्यांचा मासिक व वार्षिक हप्ता न परवडणारा आहे.अशाच प्रकारची कँशलेस मेडीक्लेम योजना शिक्षक बँकेने राबवली. जेणेकरून मासिक व वार्षिक हप्ता खूपच कमी असेल.  शिवाय शिक्षक व त्यांच्या कुटुंबाला आजारपणामध्ये कँशलेस मेडिक्लेमचा फायदा  होईल. व शिक्षकांना 5 ते 10 लाख रूपयांचा मेडीक्लेम मिळवून देता येईल. त्यामुळे शिक्षक बँकेने शिक्षकांसाठी व त्यांच्या कुटुंबाच्या आरोग्यासाठी मेडिक्लेम योजना राबवावी, अशी मागणी मागासवर्गीय शिक्षक संघटनेचे तालुकाध्यक्ष सुनील सूर्यवंशी व सांगली जिल्हा मागासवर्गीय शिक्षक संघटनेने केली आहे. 

1 comment: